Деле бир жаш болбогонсуп... Улуулар кыжырды кайнатканда

© Sputnik / Табылды КадырбековСайма сайып жаткан кары аял. Архив
Сайма сайып жаткан кары аял. Архив - Sputnik Кыргызстан
Жазылуу
Улууга урмат, кичүүгө ызат деген элибизде жакшы сөз бар. Ооба, карынын сөзүн капка салып, айтканын жасаш керек. Бирок жаш курагына таянып эле жаштарды жамандай берген болбойт да.

Sputnik Кыргызстан агенттиги бул ирет улуулардын кыжырга тийген учурларын карап чыкты. Бул аларды сыйлабастыкка жатпайт, бирок жаштардын оюн да билип көрдүк.

Международный фестиваль ремесленников Оймо в Бишкеке - Sputnik Кыргызстан
Сиз деле келин болгонсуз да... Кайнене кыжырды кайнатканда
Коомдук унаада какшангандар. Маршрутка, автобустарда "азыркы жаштар улууларга орун билгенди билбейт, калп эле уктап калат" деген улуу адамдардын сөзүн укпаган жаш жок болсо керек. Бели бекчейген ата-апалар айтса да мейли, 40тагы аялдар какшанганда жан кашайбай койбойт. Кире элек жатып наалыгандачы. Тыгылган адамдардын арасынан кээде көрбөй же жумуштан чарчап чыгып уктап деле калышың мүмкүн да. Жаштар адам эместей мамиле кылышат, тобо.

"Жаш кезин" унута албагандар. "Биз жаш кезде кир жуучу машина жок болчу, күндө керме-керме кир жууп, памперс дегенди билген эмеспиз" деген апаларынын сөзүн укпаган кыз-келин жок го. Жаш кезди кантип унутууга болсун, бирок баарын эле азыркы заманга байлай берген болбойт да. Даяр заманда төрөлүп калганга жаштар күнөөлүү эмес го акыры. Бир нерсе болсо эле "биз жаш кезде…" деп башташат.

Өзүн өтө акылдуу сезгендер. Асмандан түшүп, акылман болуп төрөлгөнсүп жаштарды "көк мээ" кылып койгон улуу муундун өкүлдөрү да аман болсун. Москва деле бир күндө курулган эмес да. Бара-бара тажрыйба топтоп, акыл кирээр аларга деле.

Больница в Бишкеке - Sputnik Кыргызстан
Өздөрүн Кудай сезет! Дарыгерлер кыжырды кайнатканда
Интернетке өчү барлар. Булар телефон, интернет дегенди укса итатайы тутулат. Урматтуу улуулар, азыр ошол интернет менен соода кылып, акча таап, жан багып калган заман келген. Атургай элдин баары азыр жаңылыктарды да ошол жактан окуйт. Өзүңөр деле интернеттен жүктөлгөн сериалдарды көрүп отурасыңар го.

Кейип-кепчигендер. Наалыса адам жанына тура албайт. Кичинекей нерсени чоң көйгөйгө айлантып, аны да көбүртүп-жабыртып баарын ызылдатып жиберишет. Чечилбеген маселе жок эмеспи, силер кейисеңер да кейибесеңер да баары буйругандай болот. Нервиңерди сактагылачы.

Кийимге асылгандар. Азыр жаштардын кийингенин жактырбаган улуулар көп. Кыздар кыска кийип, балдар чачын өстүрөт дешет. Эми базар менен дүкөндө жалаң ошондой кийим сатылса эмне кылсын. Өзүңөр деле жаш болгонсуңар да!

Жаңылыктар түрмөгү
0