БИШКЕК, 20-июн. — Sputnik. Афганистандын коопсуздук күчтөрүнүн 30дай кызматкери талибдердин Багдис провинциясындагы кол салуусунан каза болду. Бул тууралуу РИА Новости Рейтер агенттигине таянуу менен жазып чыкты.
Ага ылайык, талибдер эки көзөмөл өткөрүү жайын кол салган. Агенттик бул окуя ок атпоо тартиби киргизилгенден кийинки эң ири кол салуу экендигин жазды.
Ишемби күнү Афганистандын президенти Ашраф Гани өкмөт менен Талибандардын келишүүсү он күнгө чейин созулаарын айткан. Ок атпоо тартиби 11-июндан 19-июнга чейин киргизилген. "Талибан" кыймылы мындай демилгени колдобой тургандыгын билдирген.
