БИШКЕК, 16-июн. — Sputnik. Борбор калаада Жогорку Кеңеш менен Россиянын Федералдык Жыйынынын ортосундагы кызматташтык боюнча парламенттер аралык комиссиянын VIII жыйыны өтөт. Бул туурасында ЖКнын маалымат кызматынан кабарлашты.
19-июнда боло турган иш-чарага Жогорку Кеңештин, Федералдык Жыйындын Мамлекеттик Думасынын жана Федералдык Кеңешинин депутаттары, андан тышкары, эки өлкөнүн өкмөттөрүнүн өкүлдөрү катышат.
Иш-чарада актуалдуу маселелер, анын ичинде аскердик жана аскердик-техникалык тармактардагы кызматташтыктын келечеги, ошондой орус-кыргыз өнүктүрүү фондусунун ишмердүүлүгү талкууланат.
Жыйындын алкагында РФ парламенттик делегациясынын башчысы Виктор Заварзин менен Жогорку Кеңештин төрагасынын орун басары Мирлан Бакировдун жолугушуусу мерчемделген.
