БИШКЕК, 13-июн. — Sputnik. Нигерияда колунда бар киши көзү өткөн атасын табыттын ордуна кымбат унаанын ичинде жерге берди. Бул тууралуу The Daily Mail басылмасы жазып чыкты.
Маалыматка ылайык, Азубуике атасынын көзү барында мыкты унаа белек кылуунун убадалап, бирок ага жетишпей калган. Киши дүйнө салгандан кийин уулу жергиликтүү автосалондон 88 миң долларга BMW сатып алган.
A Nigerian man identified as Azubuike reportedly left residents of Ihiala (Nigeria) in shock after he buried his father in a brand new luxurious BMW. pic.twitter.com/uVeYiaDKc7
— Star FM Zimbabwe (@StarfmZimbabwe) 11 июня 2018 г.
Машина жергиликтүү тургундар казып даярдап койгон чоң чуңкурга салынган. Жерге берүүнүн өзгөчө зыйнатынан тартылган сүрөттөр социалдык тармактарга желдей тарап кетти. Көпчүлүк үчүн мындай кадам өөн учурап, ири суммадагы каражаттын жумшалышына сын айтылды. Алардын айтымында, уулдун аракети акылга сыйгыс иш болгон.
"Эгер ушунчалык эле бардар адам болсоңуз, кымбат унааны ата-энеңиздин көзү тирүүсүндө сатып берсеңиз болмок. Өлгөндө кадимки эле табытта көмбөйт белеңиз. Жөн гана обу жок мактанчаактык болуп калыптыр", — деп жазган адамдар.
Пайдалануучулар буга жумшалган акчаны алда канча пайдалуу колдонууга болмоктугун белгилешти.
