БИШКЕК, 9-июн. — Sputnik. Милиция белгисиз адамдар уурдап кетти делген кызды тапканын Бишкек шаардык ички иштер башкармалыгынан билдиришти.
Бүгүн, 9-июнда саат 17.30дар чамасында укук коргоо органдарына борбор калаадагы сулуулук салондордун биринен чыккан кызды белгисиз кишилер күч колдонуу менен унаага салып кеткени кабарланган.
"Көрсө кыз менен чогуу жашаган киши аны менен сүйлөшүү үчүн келип, андан соң бирге кетишкен. Сулуулук салондун администраторуна кызды уурдап кеткендей көрүнүптүр", — деп айтылат маалыматта.
Ошондой эле учурда кыз аман-эсен жана эч кимге дооматы жок экени кошумчаланат.
