БИШКЕК, 8-июн. — Sputnik. Кыргызстанда чет элдиктер үчүн унаага бериле турган жаңы номерлердин үлгүсү киргизилди. Бул тууралуу өкмөттүн маалымат кызматы билдирди.
Образец новых автомобильных номеров для иностранцев
© Фото / пресс-служба правительства КР
Жаңы номерлер жеке жактарга жана юридикалык жактарга да каралган. Тиешелүү буйрукка премьер-министр Мухаммедкалый Абылгазиев кол койгон.
"Саамалык чет элдиктердин каттоо кызматын тез жана тоскоолдуксуз алууга шарт түзөт. Мындан тышкары, жол коопсуздугу боюнча укук коргоо органдарынын көзөмөлүнө жардам берет", — деп айтылат маалыматта.
Билдирүүдө аталган чечим Кыргызстандын аймагында транспорттук каражаттарды каттоонун, кайрадан каттоо жана каттоодон чыгаруунун бирдиктүү тартибин киргизүүгө, транспорттук каражатты пайдаланууга берүүнү иретке келтирүүгө багытталганы жазылган.
