Анын айтымында, окуя бүгүн, 2017-жылдын 3-июнунда болжол менен саат 11:40та болгон.
"Түркүктүн башында электр зымдарынын күйүп жатканын көрдүм. Ошо учурда бак-дарактарды сугарган автоунаа өтүп бара жаткан. Анын айдоочусуна өрттү өчүрө аласызбы деп сурадым. Ал биринчи ток тартпайбы деп сурап, андан соң, суу чачып, бир мүнөткө жетпей эле өчүрүп койду ", — деп билдирген окуянын күбөсү.
ӨКМден аталган жайга чакыруу болгон эместигин айтышты. Суусу бар автоунаа "Бишкек жашыл чарба" ишканасына таандык экендигин маалым болду. Айдоочу Бакыт Осмонканов Sputnik кабарчысына өрт жакын турган павильонго өтүп кетпесин деп, тез эле өчүрө салганын айтып берди.
