Бишкекте Тез жардам унаасы менен жолтандабас кагышты. Жеринен тартылган сүрөт

© © фото очевидцев, отправленное по Whats App-каналуСтолкновение автомобиля Lexus LX-570 и карета скорой помощи в Бишкеке
Столкновение автомобиля Lexus LX-570 и карета скорой помощи в Бишкеке - Sputnik Кыргызстан
Жазылуу
Жол кырсыгы бүгүн, 1-июнда саат 16.15те Ибраимов жана Фрунзе көчөлөрүнүн кесилишинде болгон.

БИШКЕК, 1-июн. — Sputnik. Борбор калаада Lexus LX-570 үлгүсүндөгү машина менен Тез жардам унаасы кагышты. Бул туурасында Sputnik Кыргызстан агенттигине окуянын күбөсү билдирди.

Анын айтымында, жол кырсыгы Ибраимов жана Фрунзе көчөлөрүнүн кесилишинде болгон.

"Тез жардам Фрунзе көчөсү менен чыгышты көздөй бара жаткан. Бул учурда Lexus үлгүсүндөгү унаа Ибраимовдон Фрунзени көздөй кайрылып жатканда, эки көчө кесилишкен жерден кагышып кетишти", — деди күбө.

Бишкек ШИИБдин Жол кыймылы коопсуздугун камсыздоо башкармалыгы жол кырсыгы катталганын тастыктап, жаракат алгандар жок экенин билдирди. Алдын ала маалыматтар боюнча кырсык унаа тыгындын кесептинен болгон. Жеринде авто инспекторлор иш алып барууда.

Жаңылыктар түрмөгү
0