Жайдын алгачкы дем алыш күндөрүндө аба ырайы кандай болот

Жазылуу
Өлкө аймагында ишембиде күн ачык болсо, жекшембиде кечке жуук күндүн көзү бузулуп, аймактарда жаан жашы күтүлөт.

БИШКЕК, 1-июн. — Sputnik. Кыргызгидромет келе жаткан дем алыш күндөргө карата аба ырайы божомолун таратты.

Жара в Бишкеке - Sputnik Кыргызстан
Жай келе жатат! Июнь айына карата аба ырайы
Ага ылайык, өлкө аймагында ишембиде күн ачык болсо, жекшембиде кечке жуук күндүн көзү бузулуп, аймактарда мезгил-мезгили менен жаан жаашы күтүлөт. Батыштан соккон шамалдын ылдамдыгы секундасына 4-9 метрден, 17-22 метрге чейин жетиши ыктымал.

Мындай кырдаал автоунаа, энергетика, коммуналдык кызматтардын ишин жана жайлоолордо малды кармоону кыйындатат. Сел коркунучу бар райондордо кооптуулук жаралат.

Талас облусунда түнкүсүн 10…15 градус жылуу болсо, күндүз абанын температурасы 23…28 градуска чейин көтөрүлөт.

Чүй өрөөнүндө түнкүсүн 11…16, күндүзү 30…35 градуска чейин ысыйт.

Ош, Жалал-Абад жана Баткен облустарында түнкүсүн 13…18, күндүз 30…35 градус болушу мүмкүн.

Ысык-Көл облусунда түнкүсүн 7…12, күндүз 21…26 градуска жылыйт.

Нарында түнкүсүн 6…11, күндүз 23…28 градус ысык болот.

Падеж скота в двух селах Нарынской и Иссык-Кульской областей в результате заморозка - Sputnik Кыргызстан
Көлдөгү кардын кесепети: чабандар 20 млн. сомдон ашык чыгым тартты
Ал эми жекшембиде Талас облусунда түнкүсүн 11…16, күндүз 13…18 градус жылуу болот.

Чүй өрөөнүндө абанын температурасы түнкүсүн 13…18, күндүз 14…19 градус жылуу болушу күтүлөт.

Ош, Жалал-Абад, Баткен облустарында түнкүсүн 14…19, күндүз күндүн табы 21…26 градуска чейин жогорулайт.

Ысык-Көл менен Нарында түнкүсүн 7…12, күндүз 19…24 градуска чейин жылуу болот.

Бишкек, Ош шаарларында дем алыш күндөрү күндүз жаан чачын күтүлбөйт. Анткен менен жекшембиде кечке жуук жаан жаайт.

Батыштан соккон шамалдын ылдамдыгы секундасына 4-9 метрге жетет.

Бишкекте 2-июнь күнү түнкүсүн 13…15, күндүз 32…34 градуска чейин ысыйт. Ал эми 3-июнда түнкүсүн 15…17, күндүз 16…18 градус жылуу болушу күтүлөт.

Ош шаарында ишембиде түнкүсүн 14…16, күндүз 32…34 градуска чейин ысыйт. Ал эми жекшембиде түнкүсүн 17…19, күндүз күндүн табы 23…25 градуска чейин көтөрүлөт.

Жаңылыктар түрмөгү
0