БИШКЕК, 28-май — Sputnik. Франциянын президенти Эммануэль Макрон 5-кабаттын балконунда асылып калган баланы куткарган малилик адам менен жолугат.
Жолугушуу бүгүн эртең мененкиге пландалган.
A Paris, un héros sauve un enfant qui risquait de tomber dans le vide pic.twitter.com/B3nTxULY2k
— BFM Paris (@BFMParis) May 27, 2018
BFMTV телеканалынын маалыматына ылайык, төрт жашар бала аз жерден 5-кабаттын балконунан учуп кете жаздаган. Аны көрүп калган Мамуд Гассам аттуу адам бир заматтын ортосунда үйдүн бешинчи кабатына башка балкондор менен чыгып баланы сактап калган.
"Бул эр жүрөк адам өз өмүрүн тобокелге салып наристени аман алып калды", — деп жазган Twitter баракчасына Париждин мэри Анн Идальго.
Калаа мэри Гассамдын эрдигин укканда ага Францияда жашап калууга жардам берерин убадалаган.
