БИШКЕК, 23-май — Sputnik. Чүй облусунун Кара-Балта шаарындагы "Чайна Петроль Компани Жунда" мунай иштетүүчү заводунда өрт чыкты. Бул тууралуу Sputnik Кыргызстан агенттигине күбөлөр билдирип, Telegram каналына өрттүн видеосун жөнөтүшкөн.
"Бүгүн Кара-Балта шаарындагы заводдо өрт катталып, тилсиз жоо бир саат мурун өчүрүлдү", — деп жазылат күбөнүн видеосунда.
ӨКМдин маалымат кызматы аларга мындай өрт тууралуу билдирүү түшпөгөнүн айтты.
"Заводдо оңдоп-түзөө иштери жүрүп жаткандыктан өрт техникалык мүчүлүштүктөрдөн улам келип чыккан. Бирок өзүбүздүн 90 кишилик өрт өчүрүүчү бөлүмүбүз бар. Алар тилсиз жоону 5-6 мүнөттүн ичинде эле өчүрүүгө жетишти. Жалпы заводдо беш чарчы метр жер эле күйдү. Эч ким жабыркаган жок", — деди Акматов.
Ал ошондой эле завод мунай иштеткендиктен кичине өрт чыкса эле ал жактан кара түтүн чыгарын кошумчалап кетти.
