БИШКЕК, 23-май — Sputnik. Акыркы коңгуроо күнү милиция күчөтүлгөн тартипте иштей турганын ИИМдин маалымат кызматынан кабарлашты.
"Окуу жылынын аякташына байланыштуу 25-майдагы салтанаттуу иш-чараларды өткөрүүдө коомдук коопсуздукту жана тартипти камсыз кылуу максатында республика боюнча ички иштер органдарынын 4 миңден ашык кызматкери иш алып барат", — деп айтылат билдирүүдө.
Ал күнү сейил бактарында, эс алуу жайларында жана өзгөчө кечки убакта бүтүрүүчүлөрдүн унаа башкаруусуна жол бербөө жана көзөмөлгө алуу үчүн милиция кызматкерлеринин ар бири өздөрүнө бөлүнгөн аймактардагы коопсуздукту жеке жоопкерчилигине алат.
