БИШКЕК, 18-май — Sputnik. Ош шаарында ишкерлер үчүн ай сайын “Ачык эшик” күнү уюштурлмай болду. Мындай чечимди калаа мэри Айтмамат Кадырбаев бизнес форум учурунда билдиргенин мекеменин маалымат кызматынан кабалашты.
Билдирмеге караганда, “Аймактарды өнүктүрүү жылынын” алкагында жеке ишкерлер менен атайын жолугушуу уюштурулуп бир топ маселелер талкууланган.
“Орус-кыргыз өнүктүрүү фондунун түштүк аймагы боюнча өкүлү Санжар Эргешов марттын аягынан тарта Орус-кыргыз фонду иштеп баштаганын билдирип, ишкерлерге насыя алуунун шарттары тууралуу маалымат берди”, — деп айтылат маалыматта.
Шаар башчысы Айтмамат Кадырбаев көптөгөн маселелерди жеринде чечип, ишкерлердин ишмердүүлүгүн илгерилетүү максатында бир айда бир жолу тийиштүү жетекчилер менен биргеликте жеке ишкерлерге “Ачык эшик” күнүн уюштуруу тапшырмасын берген.
