БИШКЕК, 13-май. — Sputnik. Түндө Бишкек шаарына жакын аймакта магнитудасы 4,2 баллга жеткен жер титирөө болду. Бул тууралуу Европанын жер ортолук деңизинин сейсмология борборунан (EMSC) билдиришти.
Жердин силкинүүсүн калаа тургундары дагы байкап, социалдык тармактарга жазып чыгышты.
Сейсмология борборунун маалыматына ылайык, зилзала жергиликтүү убакыт боюнча 13-май күнү 02.14тө болгон. Титирөөнүн очогу борбор калаанын батыш тарабынан 20 чакырым алыстыкта, бир чакырым тереңдикте болгондугу аныкталган.
Earthquake: mb 4.2 KYRGYZSTAN: Magnitude mb 4.2 Region KYRGYZSTAN Date time 2018-05-12 20:14:13.4 UTC Location 42.81 N; 74.34 E Depth 1 km https://t.co/37izDAj2bQ — EMSC pic.twitter.com/maat0zOEdt
— NewsUpdate24 Extra (@NewsUpdate24Ext) May 13, 2018
Учурда жабыркагандар менен кыйроолор тууралуу кабарлана элек.
