БИШКЕК, 13-май — Sputnik. Кыргызгидромет келе жаткан жумага карата аба ырайы божомолун таратты.
Билдирүүгө ылайык, апта башында күндүн көзү ачылбай, жамгыр жаашы күтүлөт.
13-14-майда Ош, Жалал-Абад, Баткен облустарында жамгыр жаап, абанын температурасы 20…25 градус жылуу болот.
Чүй менен Талас облусунда күндүз 15…20, ал эми Ысык-Көл менен Нарын аймактарында 15…20 градус нөлдөн жогору.
15-16-17-майда да көпчүлүк аймактарда мезгил-мезгили менен жаан жаап, күн күркүрөшү, бийик тоолуу райондордо кар жаашы мүмкүн.
Ош, Жалал-Абад, Баткен облустарында 21…26, Талас, Чүй өрөөндөрүндө 19…24, Нарын менен Ысык-Көлдө 19…24 градус жылуу болот.
18-майда тоо этектеринде өткүн өтөт. Ал эми 19-майда күн ачылып абанын күндүзгү температурасы жогорулайт.
