"Достук" акыры "Ынтымакты" жеңип көк бөрү чемпиону болду

© Sputnik / Табылды КадырбековТурнир по кок-бору по случаю празднования Нооруза в Бишкеке
Турнир по кок-бору по случаю празднования Нооруза в Бишкеке - Sputnik Кыргызстан
Жазылуу
Жеңиш алып келген улактын баарын тайказанга Манас Ниязов таштады.

БИШКЕК, 9-май — Sputnik. "Достук" командасы көк бөрү боюнча Кыргызстандын чемпиону болду.

Жеңиш күнүнө арналган көк бөрү боюнча республикалык мелдештин жогорку лигасынын финалында Ош облусунун "Достук" жана Талас дубанынын "Ынтымак" командасы бүгүн, 9-майда Ысык-Көлдүн Чолпон-Ата шаарындагы ат майданда күч сынашты.

Алгачкы оюндун 9-мүнөтүндө "Достуктун" оюнчусу Манас Ниязов "Бойка" деген аргымагы менен каршылашынын тайказанына улак таштап эсеп санын ачты. Арадан бир нече мүнөт өткөндөн кийин ал кайра дагы бир салым жасады. Ошентип оюндун биринчи бөлүгү 2:0 эсеби менен аяктады.

Кайдыгер калтырбаган ирмемдер! Шаар күнүнө арналган көк бөрү мелдешинин видеосу - Sputnik Кыргызстан
Кайдыгер калтырбаган ирмемдер! Шаар күнүнө арналган көк бөрү мелдешинин видеосу
Экинчи бөлүктүн 4-мүнөтүндө Манас Ниязов улакты ортодон жулуп чыгып "Ынтымактын" тайказанына таштай салды. Андан кийин да кыл чайнашкан кармаш болгону менен эсеп саны өзгөрүүсүз аяктады.

Ал эми үчүнчү бөлүктүн башында "Достуктун" капитаны Таши Майлыбашев жекеме-жеке айлампасына кирип кеткени үчүн эки мүнөттүк жаза мамыга коё берилди. Бул учурда "Ынтымактын" улакчысы Чубак Нурманбет уулу бир улак салууга жетишти. Оюндун бүтүшүнө бир жарым мүнөт калганда "Ынтымак" дагы бир улак таштоого үлгүрдү. Натыйжада оюн 3:2 эсебинде "Достук" командасынын жеңиши менен жыйынтыкталды.

Эскерте кетсек, Нооруз майрамындагы мелдеште баш байгени "Ынтымак" командасы утуп кеткен. Анда эсеп 2:1 менен жыйынтыкталган болчу.

Жаңылыктар түрмөгү
0