БИШКЕК, 30-апр. — Sputnik. Окумуштуулар сарымсакты тамакка көбүрөөк кошуп жеген адамдар рактын айрым түрлөрүн, жүрөк кан-тамыр ооруларын жана кант диабетинин алдын аларын иликтеп чыкты. Бул туурасында РИА Новости агенттиги Trends in Pharmacological Sciences журналына шилтеме берип жазды.
Адистер сарымсактын пайдасы анын тамакка кантип кошулуп, кантип даярдалышына жараша болорун айтышты, бирок кайсы ыкма баарынан жакшы экендигин азырынча аныкташа элек.
"Сарымсактын курамындагы заттар клетканын деңгээлинде физиологиялык жана биохимиялык процесстерге таасир этип, аларды жөнгө салууга жардам берет", — деп айтылган макалада.
Окумуштуулар алгач организмдеги зат алмашууга сарымсак эмне себептен мынчалык жакшы таасир этерин иликтөөнү көздөп жатышат.
