БИШКЕК, 30-апр. — Sputnik. Россиялык астрономдор 17-майда Жер үстүндө күчтүү магнит бороону боло турганын айтышты. Бул тууралуу РИА Новости жазып чыкты.
Маалыматка ылайык, беш баллдык шкала менен эсептегенде бул бороондун күчү экинчи деңгээлге жетет.
Буга чейин мындай магнит бороону 20-апрелде болуп, жыл башынан берки күчтүү жаратылыш кубулушу катары эсептелип келген. Негизи магнит бороону андай деле сейрек кездешчү кубулуш эмес.
Дарыгерлердин айтымында, магнит бороонунан кан басымы өйдө болгон адамдардыкы кескин жогорулап, ал эми аздарыныкы төмөндөп кетет.
