БИШКЕК, 24-апр. — Sputnik. Кыргызстандын "Алай" футбол клубу менен Тажикстандын "Истиклол" клубунун АФК (Азия футбол конфедерациясы — ред.) кубогу үчүн матчтык мелдеши өтөт. Бул тууралуу "Алай" клубунан билдиришти.
Мелдеш эртең, 25-апрелде, Ош шаарындагы Ахматбек Сүйүнбаев атындагы стадиондо саат 14:00дө өтмөкчү.
Эске сала кетсек, былтыр кыргызстандык клуб чоң айырма менен тажикстандык клубдан утулуп калган. Учурда эки клуб тең өз өлкөсүнүн чемпиону.
Буга чейин Sputnik Кыргызстан маалымат агенттиги өлкөнүн эң мыкты футболчуларын тизмектеген.
