БИШКЕК, 22-апр. — Sputnik. Мексикага тааныштыруу үчүн алып келинген УЕФАнын кубогу уурдалып, кайта Гуанахуато шаарынан табылганын РИА Новости аталган шаардын прокуратурасына таянуу менен жазды.
Гуанахуато шаарындагы прокуратуранын криминалдык изилдөө агенттигинин кызматкерлери УЕФАнын кубогу уурдалганы боюнча маалымат түшөрү менен окуя болгон жерге барган.
Маалыматка ылайык, кубок Леон шаарынан Гуанахуато шаарына келгенде жоголгон. Тийиштүү кызматтардын ыкчам аракеттеринен улам кубок табылып, кайтарылган.
УЕФАнын кубогун Мексикага FedEx компаниясы алып келген болчу.
