БИШКЕК, 22-апр. — Sputnik. Дүйнөдөгү эң кары адам деп эсептелген япониялык Наби Тадзима аттуу аял каза болгондугун Киодо агенттиги жазды. https://english.kyodonews.jp/
Ал 21-апрель күнү Япониянын түштүк-батыш тарабындагы ооруканалардын биринде көз жумган.
Маалыматка араганда, Тадзима акыркы кездерде төшөккө жатып калган.
Гиннестин рекорддор китебинде Тадзима ямайкалык Вайолет Браун аттуу адам каза болгондон кийин эң кары жашоочу деп саналып келген.
Учурда Тадзиманын ордун ошол эле Японияда туулуп-өскөн Тие Мияко ээлеп калды. Ал 1901-жылдын 2-майында жарык дүйнөгө келген.
