БИШКЕК, 19-апр. — Sputnik. Кыргызстандын жарандарын экстремизмге үгүттөөгө каршы уюштурулган операциянын алкагында 17-апрель күнү эл аралык террордук уюмдардын (ЭТУ) биринин 36 жаштагы мүчөсү кармалды. Бул тууралуу УКМКнын маалдымат кызматынанан кабарлашты.
Билдирмеде айтылгандай, ал ЭТУ жетекчилеринин көрсөтмөсү менен 2015-жылы Сирияга Кыргызстандын төрт жаранын үгүттөп жиберген.
"Шектелүүчү Сириядагы куралдуу чыр-чатак аймагына адамдарды жиберүү жана пропагандалоо иштерин жүргүзүү үчүн акыркы жылдары жакынкы чет өлкөлөрдүн бирине барып, ошол жерде туруктуу жашап келген",— деп айтылат билдирүүдө.
Баса, өткөн аптада Кара-Суу районунун Савай айылынын окуучулары "Биз терроризмге каршыбыз!" урааны астында акция өткөрүшкөн. Маалыматка караганда, аталган райондун аймагынан Сириядагы согуштук аракеттерге катышуу үчүн 242 жаран кеткен.
