БИШКЕК, 10-апр. — Sputnik. "Ак Илбирс-2018" улуттук кино сыйлыгына көрсөтүлүп жаткан тасмалардын тизмеси аныкталды. Бул тууралуу Кинематографты колдоо фондусунун сайтына жарыяланды.
Жеңүүчүлөрдүн аты 27-апрель күнү "Ак Илбирс" сыйлыгын тапшыруу маалында белгилүү болот.
Тизмеге көз салсак, Актан Арым Кубаттын "Кентавр", Руслан Акундун "Апамды издеп" жана Эрнест Абдыжапаровдун "Саякбай" тасмалары беш номинация боюнча көрсөтүлгөн.
Мындан тышкары, мыктылыкка Керим Өмүркожоевдин "Махабат", Болот Тентимишевдин "Ата", Касиет Кубанычбек кызынын "Оймок", Мээрим Догдурбекованын "Бакыт", Азамат Шаршеновдун "Жизнь прекрасна", Калвира Акчалованын "Жол" жана Аскар Нуракун уулунун "Киноман" тасмалары ат салышат.
Мындан беш жыл мурун негизделген иш-чара 16 номинация боюнча мыктыларды аныктап келет.
