Маршруткачылар бунту: мэрия айдоочуларга жооп берди

© Sputnik / Табылды КадырбековДень траура в Бишкек в связи с двумя трагическими событиями, произошедшими 27 августа, и унесшими жизни 23 граждан Кыргызстана
День траура в Бишкек в связи с двумя трагическими событиями, произошедшими 27 августа, и унесшими жизни 23 граждан Кыргызстана - Sputnik Кыргызстан
Жазылуу
Yandex newsTelegram
Маршрутка айдоочулары шаар бийлигине бир нече талап койгон

БИШКЕК, 2-апр. — Sputnik. Маршрутка айдоочуларынын иш таштаганына карабай эл ташуучу фирмалардн талаптары аткарылбайт. Бул тууралуу муниципалитеттин маалымат кызматынан билдиришти.

"Учурда борбор калаада эл ташыган 40 фирма бар. Алар 120 маршруттук каттам боюнча жүрүшөт. Күн сайын жумушка 2700 унаа чыгат. Көбү камсыздандырылган эмес. Бирок Шаардык транспорт башкармалыгы бул маалыматты бардык айдоочуларга 2018-жылдын январь айында эле жеткирген", — деп айтылат билдирүүдө.

Ошондой эле мэрия эл ташыган жеке компаниялар мэрияга маалымат бербей туруп ишке чыкпай коюшканын кошумчалады.

Забастовка водителей маршруток в Бишкеке - Sputnik Кыргызстан
Каалаган жерден токтоп, киши алам! Маршрутка айдоочулары талаптарын айтышты
"26-30-март күндөрү мэрия жеке фирмаларга камсыздандыруу төлөмдөрүн төлөө — жүргүнчүлөрдүн алдындагы жоопкерчилик экенин түшүндүрүү иштерин жүргүзгөн. Бирок эл ташуучулар 2-апрель күнү муниципалитетке кабарлабай туруп, өз милдеттерин так аткаруудан баш тартышты", — дешти мэриядан.

Шаар жетекчиги берген маалыматка караганда, 2017-жылы Бишкек шаарында 2269 жол кырсыгы катталса, анын ичинен 252 маршрутканын катышуусу менен болгон. Андан эки адам каза тапкан. Ал эми 2016-жылы 136 учур катталып, сегиз адам өлгөнү айтылган.

Белгилей кетсек, бүгүн, 2-апрелде, шаардагы бардык дээрлик маршруттук таксилер каттамга чыккан эмес. Алар мындай кадамга милдеттүү түрдө камсыздандыруу полисин алуудан баш тартуу үчүн барып жатышат.

Ушу тапта эмне болуп жатканын тексттик трансляциядан окусаңыз болот.

Жаңылыктар түрмөгү
0