Анын үстүнө кой баласы кыргыздын той-ашында, жакшылык-жамандыгына көп союлат.
Улуттук статистикалык комитеттин маалыматы боюнча кой-эчкинин кадыры кайсы бир убакта Кыргызстанда кыйла басаңдай түшкөн. Алсак, эгемендүүлүк алган маалда саны 10 миллион болсо, алты жылдын аралыгында 3,7 миллионго чейин азайып кеткен.
Бирок 2003-жылдан бери кой-эчкинин башы акырындап көбөйүп келе жатат. Ушу тапта саны 6 миллиондон ашты. Ошол эле маалда бир койдон алынчу жүн 2,4 килограммга азайып кеткен.
