БИШКЕК, 2-апр. — Sputnik. Кытайдын "Тяньгун-1" станциясынын сыныктарынын көпчүлүк бөлүгү атмосферага кирген кезде өрттөнүп жок болду. Тагыраагы, жерге түшкөн жок. Бул тууралуу РИА Новости Кытайдын космостук учууларды жасаган программанын сайтына таянуу менен билдирди.
RT dahboo7 "RT MusafirNamah: Chinese space station #Tiangong 1 crashed near #Chile a few minutes ago: ESA #Tiangong1 #Tiangon1 #space #spacelab pic.twitter.com/l9Qk8sItXO" https://t.co/luB8By5dWw
— Adrien 🇫 A (@Adrien_Esprit) 2 апреля 2018 г.
Орбитада 2011-жылдан бери жүргөн "Тяньгун-1" станциясы Жердин атмосферасына дүйшөмбү күнү Пекин убактысы боюнча саат 8.15те (Бишкек убактысы 06.15) кайтып келген. Анын калдыктары Кыргызстандын аймагына кулашы мүмкүн экени болжолдонгон.
Акыркы эки жыл ичинде ага учкучу жок башкарылган бир жана учкучтары менен эки кеме барып келген. 2016-жылы Кытай бийлиги аталган станция менен байланышты жоготуп алганын жана анын кыймылын башкара албай турганын жар салган.
Станция космосто алты жылдан ашык болгон. Анын салмагы 8,5 тоннаны түзүп, узундугу 104 метр, көлөмү 15 куб метрге жетет.
