Sputnik Кыргызстан агенттигине күбөнүн билдиргенине караганда айдоочулардын жаңжалы жолду туура кесип өтүү себебинен чыккан.
"Мен маршрутканын айдоочусу жеңил унаага карай бир бөтөлкөнү суусу менен ыргытып жибергенин көрдүм. Анан ал айдоочу маршрутканын артынан кууду. Каршы тилке менен чыгып астын тороого аракет кылганда бусик ага карай буруп жиберип машина оодарылып кете жаздады", — деди күбө.
Видеодон эки киши кармашып жана бир аял ашатып сөгүп чапкылап жатканын көрүүгө болот. Бир нече адам үчөөнү арачалоого аракет кылган.
Бишкектин шаардык Ички иштер башкы башкармалыгы бул окуяны териштирип жатканын билдирди.
