Анарбаев: түркмөн күрөшү боюнча мелдештерге 2015-жылдан тарта катыша баштадык
Түркмөн күрөшү боюнча мелдештерге Кыргызстан 2015-жылдан тарта катышып келет. Бул тууралуу Автандил Анарбаев Sputnik Кыргызстан радиосуна маек куруп жатып билдирди.
Анын айтымында, мелдештер азырынча Азия аймагында гана уюштурулууда.
"Түркмөн күрөшү түркмөн элинин байыртадан бери ойнотулуп келген улуттук оюндарынын бири. Ал эми Кыргызстан бул спорттун түрү менен 2015-жылы таанышып, Ашхабадда өткөн Азия оюндарына катышууга мүмкүнчүлүк алды. Бизде түркмөн күрөшү боюнча атайын федерация ачылгандыгына болгону бир жыл болду. Ошондуктан, биз багындырчу ийгиликтер алдыда деп ойлойм", — деди федерациянын президенти.
Анарбаев түркмөн күрөшүнүн эрежелери кыргыз күрөшүнө окшош экендигин кошумчалады.
