БИШКЕК, 22-мар. — Sputnik. Ырчы Витас Барвихадагы үйүнүн эшигинин алдында тапанчаны огу жок аткылап, полиция ырчыдан түшүндүрмө алганын РИА Новости агенттиги өз булактарына таянуу менен билдирди.
"Барвихадагы үйүндө Виталий Грачев (Витас) тапанчаны огу жок аткылаган. Ырчы полиция бөлүмүнө алып келинип, түшүндүрмө алды", — деп күбө айткан.
Айрым ЖМКлар жазып жаткандай Витастын мас же соо экенин булак тактаган эмес.
Өз кезегинде Москва облусунун полициясы Одинцово аймагында ок атылганы угулганын ырастады.
"Ок атылганы боюнча 1979-жылы туулган кишиге карата текшерүү жүрүүдө. Анын жыйынтыгында процессуалдык чечим кабыл алынат", — деп булак белгиледи.
Полиция бөлүмгө алып келинген кишинин аты-жөнүн айткан жок. Бирок Грачев дагы 1979-жылы туулганы маалым.
