БИШКЕК, 22-мар. — Sputnik. ЖККУнун “Кант” авиабазасынын штабынын башчысы Денис Сафонов кыргыз элин Нооруз майрамы менен кыргыз тилинде сүйлөп куттуктады.
Куттуктоо видеосу авиабазанын Facebook баракчасына жарыяланган.
“Урматтуу кыргызстандыктар! Сиздерди 999-базанын командиринин жана жеке курамынын атынан Нооруз майрамыңыздар менен куттуктайм. Нооруз кыргыз жерине токчулук, тынчтык бакыт алып келсин! Сиздерге ден соолук, ачык аман жана ийгилик каалайбыз!” — деп айтылат куттуктоо сөзүндө.
Авиа базанын маалымат кызматы билдиргендей, Кант шаарынын паркына аскерлердин тамагы эт кошулуп жасалган гречка кашасы менен ысык чайды алып чыгып майрамга келген конокторго тартуу кылышкан. Аталган тамак 400 адамга ылайыкталып жасалган.
