БИШКЕК, 21-мар. — Sputnik. Жалал-Абад облусунун Базар-Коргон районундагы имамдар 100гө чукул мөмөлүү дарак отургузганын муфтияттын маалымат кызматы билдирди.
Ага ылайык, райондук хатибияттын демилгеси менен "Бир момунга — бир дарак" аттуу акция 20-мартта өткөн.
"Акцияга акимдин биринчи орун басары Каныбек Тилекеев, Базар-Коргон районунун баш имам хатиби Тынчтыкбек ажы Шаиков жана айыл округдардын баш имамдары катышты", — деп айтылат маалыматта.
Буга чейин Баткен облусундагы дин кызматкерлери да ишембилик өткөрүп, шаардын айрым жерлерин тазалаган болчу.
