БИШКЕК, 18-мар. — Sputnik. Өзбекстандагы Олий мажилистин сенаты той-аштарды өткөрүүгө чек коё турган мыйзам долбоорун талкууга алып чыкты. Бул туурасында Sputnik Өзбекстан жазды.
"Акыры учурда үйлөнүү тойлор, куран окутуу, аш жана башка дагы бир катар үй-бүлөлүк иш-чаралар өтө ысырапчылык менен өтүүдө. Бул финансылык абалга гана кесепетин тийгизбестен, жашоо-тиричиликте кадимкидей көйгөйлөрдүн, чыр-чатактардын башаты болуп жатат. Андыктан мындай иш-чаралар менен коноктордун санын кыскартуу зарыл", — деп айтылган билдирүүдө.
"Коомдук коопсуздукту сактоо максатында үйлөнүү тойдун салтанатына эки гана автоунаа чыгышы керектиги айтылган. Андан сырткары мындай кызматты атайын уруксат кагазы бар тараптар гана көрсөтө алат", — деп сунуштаган сенат.
Жакшылык тойлордо бир гана ырчыны же бир гана ансамблди ырдатуу керек деген пикир киргизилген.
