Ахмедова: 40 миң тоннадан ашык жер семирткич топтолду
Республикада 40 миң тоннадан ашык жер семирткич топтолду. Бул тууралуу Махмида Ахмедова Sputnik Кыргызстан радиосуна маек куруп жатып билдирди.
Анын айтымында, жер семирткичти колдонуудан мурда топуракты анализден өткөрүү керек.
"Республиканын минералдык жер семирткичтерге болгон эсептик керектөөсү 395 миң тоннаны түзөт. Анын ичинде азоттук жер семирткичтерге 221 миң тонна, фосфордук жер семирткичтерге 162 миң тонна жана калийлик жер семирткичтерге 12 миң тонна бөлүнөт. Бүгүнкү күндө республика боюнча 40 миң тоннадан ашык жер семирткич топтолду", — деди Ахмедова.
Адис азыркы кезде жер семирткичтердин бардык түрү жетиштүү экендигин кошумчалады.
