Мамлекеттик кадр кызматынын Sputnik агенттигине билдиргенине караганда, учурда бул жаатта 16 539 адам эмгектенет.
Алардын 58 пайызы эркектер болсо, 42 пайызы аялдар. Аткаминерлердин көпчүлү кызматта 6 жылдан 10 жылга чейин отурат.
Дээрлик бардык кызматкерлердин (93 пайыз) жогорку билими бар. Жада калса алардын ар бир сегизинчиси эки диплому бар экенин айтып мактана алат.
Баса, былтыр Эмгек жана социалдык өнүктүрүү министрлиги кыргызстандыктар кайсы кесипти көп тандап жатканын аныктаган. Маалыматка ылайык, өлкөдө дарыгер болгусу келгендердин саны баарынан арбын.
