БИШКЕК, 12-Мар. — Sputnik. Эл артисти Ашыр Чокубаев менен коштошуу зыйнаты эртең, 13-мартта, Улуттук драма театрында болорун Маданият, маалымат жана туризм министрлигинен билдиришти.
Эске салсак, белгилүү актер жекшемби күнү таңкы саат беште узакка созулган оорудан кийин көз жумган.
"Аза күтүү иш-чарасы Улуттук драма театрында саат 10.00дө башталат. Чокубаевдин сөөгү "Ала-Арча" көрүстөнүнө коюлат", — деп айтылат билдирүүдө.
Актер быйыл 71 жашка чыкмак.
