БИШКЕК, 3-мар. — Sputnik. Россиянын президенти Владимир Путинден Калининграддагы медиафорум учурунда кыскача суроолорду берип, жооп алышты.
Ал жооп берип жаткан учурда коомчулук Россия президенти ырым-жырымга ишенээрин жана Москваны эч кимге таанылбай аралаганын билди.
Путин Россияда болгон кайсы окуяны өзгөртүүнү кааларын сурашканда, ойлонбой туруп "Советтер Союзунун ыдырашын" деп жооп берген. Журналисттер мындай жоопко кол чаап ийишти.
Ошондой эле залда отурган элди тарыхтын кайсыл мезгилине барып калууну каалайт элеңиз деген суроого берген жообу жылмайтты.
"Бүгүнкү күндө болгум келет. Анткени менин ата-бабам крепостнойлук дыйкан болчу, а мен президентмин", — деп тамашалуу жооп узатты.
"Чындык жана адилеттүүлүк" медиафоруму Калининград шаарында 2-март күнү өттү.
