Бирназаров: башкаларга боорум ооруганы менен менин деле үйүм жок
Башкаларга боорум ооруганы менен менин деле үйүм жок. Бул тууралуу Темир Бирназаров Sputnik Кыргызстан радиосуна маек куруп жатып билдирди.
Анын айтымында, кошуна өлкөлөрдө маданият кызматкерлерине жакшы көңүл бурулат.
"Кыргыз драма театрында абдан таланттуу Эржан Осмонов деген жигит бар. Айлыгы алты миң сом. Складды оңдоп, ошол жакта жашап жатыптыр. Көрүп алып абдан боорум оруду. Эми карап зээним кейигени менен менин деле азыркы күнгө чейин квартирам жок. Кеп мында деле мес, мамлекеттин маданиятка болгон мамилесинде болуп жатат", — деди Бирназаров.
Ал жазуучу, режиссер сыяктуу инсандардын эмгектери тарыхта калып, мамлекеттин атын чыгарып турарын кошумчалады.
