БИШКЕК, 1-мар. — Sputnik. Леонардо Ди Каприо менен Брэд Питт белгилүү режиссер Квентин Тарантинонун жаңы тасмасында башкы каармандардын образын жаратат. Бул тууралуу Газета.ru басылмасы Sony Pictures мекемесине таянуу менен билдирди.
Ди Каприо телесериалдарга тартылган актер Рик Далтондун образын, Пит анын каскадеру Клифф Бутту ойнойт.
Тарантино жаңы тасманын сценарийин беш жыл жазганын айтты.
"Лос-Анджелес жана Голливуд тууралуу айтып берип жатканыма кубанычтамын. Ди Каприо менен Пит Рик жана Клиффти ойноп жатканына кубанбай коё албайм", — деди ал.
Фильм 2019-жылы 9-августта экранга чыгат. Дал ушул күнү 50 жыл мурда Шэрон Тейт Мэнсондун сектасы тарабынан өлтүрүлгөн.
Ди Каприо менен Брэд Питт алгачкы жолу бир тасмага чогуу тартылууда.
Январда айрым ЖМКлар Ди Каприо белгилүү режиссер Тарантинонун жаңы тасмасында жумушу жок актерду ойной турганын жазышкан.
