БИШКЕК, 19-фев. — Sputnik. Талас облусунун Талас шаарында суунун жээгинен аялдын сөөгү табылды. Бул тууралуу ӨКМдин маалымат кызматы кабарлады.
Билдирүүгө ылайык, 62 жаштагы аял 17-февраль күнү үйүнөн балык кармоо үчүн чыгып кетип, кайра келген эмес.
18-февраль күнү саат 08:55те ӨКМдин 12 куткаруучусу, РИИБдин жети кызматкери жана туугандары издөөгө чыгып, бир сааттан кийин анын сөөгүн Талас дарыясынын жээгинен табышкан.
