БИШКЕК, 7-фев. — Sputnik. 2018-жылы айыл чарба иштерине жалпысынан 122 миң тонна күйүүчү май керектелет. Бул тууралуу Нефтетрейдерлер ассоциациясынан билдиришти.
Маалыматка караганда, ассоциация январь айында май жеткирүү боюнча Айыл чарба министрлиги менен кезектеги келишимди түзгөн.
"Министрликтин божомолу боюнча 2018-жылдагы талаа жумуштарына 122,3 миң тонна күйүүчү-майлоочу май зарыл. Анын 92,6 миң тоннасы дизель майы болсо, 29,7 миң тоннасы бензин", — деп айтылат маалыматта.
23 Бештин айы 2017, 16:38
Булардын ичинен 40,6 миң тонна дизель майы жана 11,5 миң тонна бензин жазгы сугат иштерине сарпталат. Калганы күзгү талаа жумуштарына колдонулат.
Баса, өткөн айда Айыл чарба министрлиги 2018-жылы Кыргызстандын кайсы аймагына эмне айдалышы керектигин айткан. Мисалы, быйыл өлкөнүн түштүгүнө көнүмүш болгон дарбыз, күрүч, пахтадан тышкары ири өлчөмдө картошка отургузуу керек экен.
