Кадамжай: алтын кенин кытайлык компаниянын иштетүүсүнө эл каршы чыкты

© Sputnik / Табылды КадырбековМитинг у здания правительства Кыргызстана жителей ряда новостроек
Митинг у здания правительства Кыргызстана жителей ряда новостроек - Sputnik Кыргызстан
Жазылуу
Алтын кени Майдан айылына жакын жайгашкандыктан жергиликтүүлөр кен иштетилсе мал жайытсыз калып, бак-дарак кыйылып, эң башкысы уулуу заттар элдин ден соолугуна терс таасирин тийгизерин айтышты.

БАТКЕН, 2-фев. — Sputnik. Кадамжай районунун Майдан айылына "Шамбэсай"Z-Explorer алтын кенинин маселелерин сүйлөшүүгө чогулган төрт миңге чукул жергиликтүү эл тарап кетти. Бул тууралуу аталган айыл өкмөттүн башчысы Алтынбек Нурматов Sputnik Кыргызстан агенттигине билдирди.

Анын айтымында, бүгүн, 2-февраль күнү, алтын кенин иштетүүгө лицензиясы бар Z-Explorer кытайлык компаниясынын өкүлдөрү менен жергиликтүү эл сүйлөшүүгө чогулган.

​"Бирок Майдан айыл өкмөтүнүн жашоочулары кытайлык компаниянын өкүлдөрүнө алтын кенди иштетүүгө макул эместигин билдиришти. Анткени алтын кени жайгашкан аймак 517 гектар аянтты түзөт. Кен айылга жакын жайгашкандыктан тургундар казуу иштери башталса, эл мал-жандыгы үчүн жайыты жок калаарын белгилешти. Мындан сырткары, картошка, гилас жана башка жашылча-жемиштирди өндүрүшөт. Ошондуктан бүгүнкү жолугушууда жергиликтүү эл кенди иштетүүгө каршы экенин билдирип, кытайлык компанияга кенди иштетүүгө уруксат берген жок", — деди Нурматов.

Ал ошондой эле кытайлык компания Майдан айыл өкмөтүнө караштуу аймактагы 517 гектар жер аянты үчүн 2014-жылдан бери жылына 5 миллион 800 миң сом салык төлөп келгендигин кошумчалады.

Казармандын эли жаңы салынып жаткан заводго каршы митингге чыкты. Видео - Sputnik Кыргызстан
Казармандын эли жаңы салынып жаткан заводго каршы митингге чыкты. Видео
"Кытайлык компаниянын 2020-жылга чейин алтын кенин иштетүүгө лицензиясы бар. Элдин кенди иштетүүгө каршылыгы тууралуу өкмөткө билдирүү жолдойбуз", — деди Нурматов.

Майдан айыл өкмөтүндө жалпы 13 айыл болсо, анда 12 500дөй калк жашайт.

Эскерте кетсек, 1-февраль күнү Тогуз-Торо районунун Казарман айылында да жерлигиктүү эл кытай компаниясына каршы акцияга чыккан.

Жаңылыктар түрмөгү
0