БИШКЕК, 26-янв. — Sputnik. Түштүк Кореядагы ооруканада өрт чыгып, каза болгондордун саны 31 кишиге жеткенин РИА Новости Рёнхап агенттигине таянуу менен билдирди.
Өрт жума күнү Мильян шаарындагы падыша Седжон атындагы ооруканада чыккан. Ал жакта 100дөй бейтап болгон. Болжол менен жабыркаган 40 кишиге дарыгерлер жардам берген.
Алдын ала маалымат боюнча өрт имараттын биринчи кабатындагы тез жардам бөлүмүнөн чыккан. Жалын 1 саат 40 мүнөттөн кийин гана өчүрүлгөн.
