БИШКЕК, 26-янв. — Sputnik. Алматы облусунда беш ай мурун жоголгон 16 жаштагы кыргызстандык кыз табылганын Sputnik Казакстан агенттиги билдирди.
20 Бештин айы 2017, 15:35
Маалыматка ылайык, кыз апасы менен Казакстанга келип, Алматы облусунун Енбекшиказак районуна каттоого турган. 2017-жылдын августунда апасы кызы жоголгонун айтып, полицияга арыз менен кайрылган.
Беш айдан кийин полиция кыздын каякта экенин аныктаган. Бул убакыт ичинде кыз Алматы шаарындагы эжесинин үйүндө жашап жүргөн. Ал үй-бүлөсүндө такай жаңжал болгонун айтып, апасына бербөөнү эжесинен суранган.
"Учурда жашы жете элек өспүрүм апасына берилди. Кыз үйүнөн такай качып кетип тургандыктан полиция анын чоо-жайын тактап, чара көрөт", — деп айтылат маалыматта.
Кыз апасы менен Казакстанга келгенден бери мектепке барбай жүргөнү аныкталган. Полиция билим берүү тармагындагы тийиштүү органдарга бул факты боюнча маалымат берген.
