БИШКЕК, 21-янв. — Sputnik. Борбор калаадагы "Гараж 312" түңкү клубунан 50дөн ашык киши кармалды. Бул тууралуу Sputnik Кыргызстан агенттигине ИИМдеги жеке булак билдирди.
Маалыматка ылайык, ал жакта ИИМдин баңгизатты мыйзамсыз сатууга каршы күрөшүү кызматы 21-январда түнкү саат 1:00дөр чамасында атайын операция жүргүзгөн.
"Бул жайды атайын кызмат көптөн бери карап жүргөн. Клубга атайын даярдыктагы 35 аскер жана башка кызматкерлер киришкен. 50дөн ашык киши кармалды. Айрымдары медициналык экспертизага жөнөтүлдү. Клубдан түрдүү баңгизаттар табылды", — деп булак билдирди.
Андан сырткары, клубдун бир кызматкери баңгизатын алып келип турган деп шектелүүдө.
Клубдун администрациясына байланышып түшүндүрмө алууга мүмкүн болгон жок.
