WhatsApp тиркемесиндеги каттарды көчүрүп, үн жазып ала турган вирус чыкты

© Sputnik / Наталья Селиверстова / Медиабанкка өтүүМессенджер WhatsApp
Мессенджер WhatsApp - Sputnik Кыргызстан
Жазылуу
Адистердин айтымында, вирусту иштеп чыккан адамдар Италияда жайгашкан

БИШКЕК, 17-янв. — Sputnik. Программа Android операциялык системасы менен жабдылган аппараттардан табылган. Аталган вирус WhatsApp тиркемесиндеги үндөрдү, каттарды көчүрүп алууга жөндөмдүү. Бул тууралуу РИА Новости "Касперский лабораториясынын" иликтөөсүнө таянып жазып чыкты. 

WhatsApp тиркемеси. Архив - Sputnik Кыргызстан
WhatsApp тиркемесинин жаңы версиясында өзгөчө функциялар киргизилет
Компаниянын маалыматына караганда, Skygofree вирусу ири уюлдук операторлордун атын жамынып, жасалма сайт ачуу менен интернеттин ылдамдыгын жогорулатуучу кызматтарды жүктөп алууну сунуштайт.

Адистердин айтымында, бул программалык жабдык үндөрдү жазып, sms менен WhatsApp тиркемесиндеги каттарды, GPS маалыматтарын көчүрүп алууга жөндөмдүү. Мындан тышкары, вирус аппаратты өз алдынча Wi-Fi аркылуу интернетке туташтыра алат.

"Skygofree — Android платформасы үчүн жасалган эң күчтүү куралдардын бири болуп эсептелет", — деп аналитиктер белгилеген.

Изилдөөлөр Skygofree вирусунун жайылышы 2015-жылга туура келерин көрсөткөн. "Касперский лабораториясы" компаниясынын маалыматы боюнча бул вирусту кайрадан жайылтууну көздөгөн домен 2017-жылдын 31-октябрында каттоодон өткөн. Анын курмандыгы болуп бир гана Италиянын жарандары табылган. Адистер вирусту иштеп чыккан адамдар дагы Италияда экени айтылууда.

Жаңылыктар түрмөгү
0