БИШКЕК, 14-янв. — Sputnik. Түркиянын Трабзон шаарындагы аэропортто Pegasus Airlines аба каттамынын самолету учуп-конуу тилкесинен чыгып кетип деңизге түшүп кете жаздады. Бул туурасында Sputnik Белоруссия агенттиги жергиликтүү ЖМКларга таянуу менен билдирди.
#BREAKING #Pegasus flight #PC8622 overruns the runway at #Trabzon Airport in #Turkey All 162 passengers were evacuated with only minor injuries reported. pic.twitter.com/CSNSsU9iXj
— Aviationdaily✈️الطيران يوميآ (@Aviationdailyy) 14 января 2018 г.
Жүрөк үшүн алган окуя 13-январь күнү кечке жуук болгон. Анда Анкара — Трабзон PC8622 каттамы менен келген Boeing 737-800 учагы аба майданга конуп жатып бурулууга аракет кылган. Бирок күтүлбөгөн жерден учак конуу тилкесинен чыгып кетип деңиз жээгиндеги жарга такалып токтогон.
Алдын ала маалыматтар боюнча кырсыктан жаракат алгандар жок. Учактын ичинде 162 жүргүнчү жана экипаждын алты мүчөсү болгон. Куткаруучулар ыкчамдык менен ичиндеги адамдарды эвакуациялаган.
More photos of Pegasus Boeing 737 incident at Trabzon, Turkey. #PC8622 photos by @AirlineHaber pic.twitter.com/kiqAr98XC0
— Turkish Air News (@AnalystTK) 14 января 2018 г.
Аэропорттун өкүлдөрүнүн айтмында, эгер Boeing дагы 10 метр сүрүлүп барганда деңизге түшүп, кырсыктын кесепети башкача болмок.
Мындан улам аэропортто 14-январь күнү таңкы саат 8.00гө чейин каттамдар жабылган. Андан соң штаттык режимде иштей баштаган.
