Өзбекстандык балдардын "Ислам мамлекетинин" террорчуларына сатылышы иликтенет

© Sputnik / Михаил Воскресенский / Медиабанкка өтүүМирная жизнь Дамаска
Мирная жизнь Дамаска - Sputnik Кыргызстан
Жазылуу
Ирак менен Сирияда жүргөн 100дөй аял менен балдар чечен бийлигинин жардамы менен учурда мекенине кайтты. Алардын ичинде Өзбекстан менен Казакстандын жарандары да бар

БИШКЕК, 7-янв. — Sputnik. Ирактын эмгек жана социалдык иштер министрлиги аткаминерлердин бири балдарды "Ислам мамлекети" террордук тобунун согушкерлерине саткан деген маалыматты текшерип жатат. Бул тууралуу Sputnik Өзбекстан агенттиги Ирактын Al-Sumaria телеканалына таянуу менен билдирди.

Ага ылайык, Найнава провинциясында майыптар менен иштеген бөлүмдүн директору шектелүүдө. Телеканалдын маалыматына ылайык, согушкерлерге түрдүү мамлекеттерден келген балдар сатылып турган. Анын ичинде Өзбекстан менен Россиядан келген балдар дагы бар.

Министрликтин өкүлү Аммар Минимдин айтымында, текшерүү иши министрдин жеке көзөмөлүнө алынды.

Поиски беглого заключенного в районе рынка Дордой - Sputnik Кыргызстан
Сириядан согуштук даярдыктан өтүп келген КР жараны кармалды
Ирактын премьер-министри Хайдер аль-Абади 9-декабрда "Ислам мамлекети" террордук тобуна каршы согуш жеңиш менен аяктаганын билдирген. Согушкерлерди жок кылуу боюнча айыгышкан кармаш Мосул шаарында жүргөн. Ошондой эле өлкөнүн батыш тарабында орун алган Эль-Хавидже аймагында да уланган.

Буга чейин Дагестандын балдар укуктары боюнча атайын өкүлү Сирия менен Ирактын аймагында "Ислам мамлекети" террордук тобунун согушкерлери жок кылынгандан кийин Россия жана Орто Азия мамлекеттеринен келген миңдеген жарандар балдары менен коңшу араб өлкөлөрүндө баш калкалап жатканын билдирген.

Учурда 100дөй аял менен балдар чечен бийлигинин жардамы менен мекенине кайтты. Алардын ичинде Өзбекстан менен Казакстандын жарандары да бар.

Жаңылыктар түрмөгү
0