БИШКЕК, 3-янв. — Sputnik. Британиянын жөө туристтер коому түзгөн рейтинг боюнча Кыргызстан 2018-жылда активдүү эс ала турчу алдыңкы беш мамлекеттин катарына кирди.
Иликтөөнүн мындай жыйынтыгы коомдун Facebook баракчасына жарыяланган.
Рейтингде жалпысынан 20 мамлекет болсо, Кыргызстан бешинчи орунга татыган. Борбор Азия мамлекеттеринен рейтингге Кыргызстандан башка Тажикстан (7-орун) менен Өзбекстан (19-орун) кирген.
Биринчи орунга Пакистан чыкса, экинчи орунда Россия жана үчүнчүдө Индия турат.
British Backpacker Society — эл аралык туристтик коом болуп эсептелет. Ал анча белгилүү болбогон мамлекеттерди башкаларга тааныштырууну максат кылат.
