БИШКЕК, 1-янв. — Sputnik. Жаңы жылга караган түнү Кыргызстанда 311 бала төрөлдү. Бул тууралуу Sputnik Кыргызстан маалымат агенттигинин кабарчысына Саламаттык сактоо министрлигинин маалымат катчысы билдирди.
Жалпысынан 141 эркек бала жана 170 кыз жарык дүйнөгө келген.
"Балдардын төрөлүү саны боюнча Ош шаары 80 бала менен алдыңкы орунда турса, кийинки сапта 58 ымыркай менен Бишкек жана 47 бала менен Жалал-Абад турат", — деп айтылат маалыматта.
Саламаттык сактоо министрлигинен кошумчалашкандай, биринчи эгиздер борбор калаа Бишкектеги №4 төрөт үйүндө жарыкка келди.
