БИШКЕК, 29-дек. — Sputnik. Москва шаарынын түндүк батышындагы "Сходненская" метростанциясында автобус элди коюп кетти. Бул тууралуу РИА Новости укук коргоо органдарына шилтеме берип жазып чыкты.
Окуядан эч ким каза болгон жок. Анткен менен Ички иштер министрлиги менен транспорт департаменти үч адам жабыркаганын, алардын арасында балдар жок экенин билдиришти.
#Москва | #РОССИЯ • Пассажирский автобус влетел в остановку. Есть погибшие (ВИДЕО) pic.twitter.com/XO9UXrF7Xk
— PoliteMaps (@PoliteMaps) 29 декабря 2017 г.
Полициядан маалымдашкандай, автобустун айдоочусу башка унаа менен кагышуудан качам деп рулду башкара албай калган. Ал эми департаменттин алдын ала маалыматы боюнча автобус унаа менен кагышкандан кийин аялдаманы барып сүзгөн.
Окуянын кесепетинен үч адам ооруканага жеткирилген, абалдары канааттандырарлык.
К сожалению, недоброе утро!
— Николай Зубов (@zubovnick) 29 декабря 2017 г.
Пассажирский автобус вылетел на остановку на Сходненской улице в Москве. На данный момент известно о двух погибших…. pic.twitter.com/KEyrZkBF24
Автобус менен элди койдурган окуя Москвада ушуну менен экинчи ирет болуп жатат. Биринчиси кайгылуу аяктаган: коомдук транспорт жер өтмөккө кирип кетип 15 киши жабыркаган. Айдоочусу кармалган, ал автобус өзүнөн өзү кыймылга келип тормозу иштебей калганын билдирген. Бирок эксперттер айдоочу тормозду баспай коюшу толук ыктымал экенин божомолдошууда.
